حوزہ نیوز ایجنسی کی رپورٹ کے مطابق، پاکستانی سابق وزیر خزانہ اسد عمر نے اپنے ٹوئٹر اکاؤنٹ پر لکھا ہے کہ ایران کی خارجہ پالیسی سے بعض اختلافات کے باوجود، ایران کا نظام ختم کرنے کی سازش میں اسرائیلی حکومت کی ہر کوشش کا مخالف ہوں۔
انہوں نے لکھا ہے کہ اگر ایران میں اسرائیل کی ایما پر حکومت کی تبدیلی کی کوشش ہوتی ہے تو میں انقلابِ اسلامی کے عوام سے ہم زبان ہو کر کہوں گا: ”مسلک من حسینی، رہبرِ من خمینی“۔
پاکستانی سابق وزیر خزانہ اسد عمر نے لکھا ہے کہ میں امریکہ کی خارجہ پالیسی کے چہرے سے نقاب ہٹانے پر ٹرمپ کا شکریہ ادا کرتا ہوں۔
انہوں نے مزید کہا ہے کہ ٹرمپ واضح طور پر کہتے ہیں کہ ان کا اصل مقصد تیل اور معدنیات پر قبضہ، علاقے پر تسلط جمانا اور اسرائیل کی لامحدود حمایت ہے۔
اسد عمر نے لکھا ہے کہ امریکہ کے تمام نام نہاد لبرل رہنماؤں نے بھی یہی کام کیا ہے، لیکن خود کو ڈیموکریسی اور انسانی حقوق کے دعوؤں کے پیچھے چھپایا ہے۔
آپ کا تبصرہ